Impacto di haci bo Inner Work

Hendenan ta obviamente contento. No solamente abo ta sintibo mihor, pero hendenan rond tambe lo ripara cambio den bo.

Tin mas paz den un persona of organisacion. Esaki bo ta sintie p'aden di bo mes, pero bo ta miré bek den bo relacionnan tambe, sea familiar, amistoso, romantico of profesional.

Relacionnan ta mas sano. Esaki kermen cu tin menos conflictonan. No cu cosnan fastioso no ta pasa of nunca mas lo tin conflicto. Pero e actitud cu cual cosnan cu ta pasa ta wordo enfrentá, hasta conflictonan, ta otro, mas sereno. Y lo tin mas aceptacion di realidad, di cosnan manera cu nan ta.

Ora tin conflictonan, esakinan ta wordo gehandeld cu mas trankilidad, ta dura menos y e chance pa wordo resolvi na bienestar di tur partido envolvi ta mas grandi.

Hendenan tin mas pasenshi, mientras ta concentra mihor y ta mas eficiente y asina aki ta funciona mihor.

Tin mas comprension.

Hendenan ta sinti nan mes mas conectá, stimá y parti di un total.

Hende ta respeta nan mes mas, y como consecuencia natural, ta respeta otronan y tur otro bida rond di nan mas.

Hende ta sinti nan mes mas safe di p'aden. Y esaki kermen mas trankilidad en general, menos adiccionnan/ mal habitonan, mas concentracion, mas interes y participacion (betrokkenheid), mas desaroyo y pues mas innovacion ankra den realidad y salubridad.