Kiko Inner Work ta?

Trabao Interno ta un proceso cu ta resultá den transformacion y desaroyo di un persona. E ta encerá kiko cu ta cu bo ta haci pa bo por bin den contacto cu, mira, conoce y compronde loke ami ta jama bo naturalesa energetico menos tangible. Nos naturalesa tangible ta por ehempel nos curpa, bo por touch e. Pero nos tin ful un mundo cu nó ta tangible y cu si ta ful sentible y parti di nos realidad diario! Esaki ta e reino di sentimentonan, emocionnan, pensamentonan y tur structura di pensamento manera prehuicionan y creeencianan, instincto, deseo, necesidadnan y cualidades y nan sensitividad

Te na e momento cu nos nó conose e reino aki suficiente, e ta motivá comportamiento, sin cu nos sa! Pero haciendo e trabao intero bo ta bira mas y mas consciente di e procesonan inconsciente (automatico) aki.  Bo lo mira mihor kiko e efectonan ta den e mundo mas visibel p'afor di bo mes. Esakinan por ta práctico y positivo den algun caso, manera ora un mama of tata ta bula pa gara su yiu cu ta bai cai for di un stoel. Pero den otro casonan, e por zorg pa problemanan door cu nos ta comporta nos mes inadequa. Manera dal un mucha ora e yora of grita un empleado bou di bo. Esakinan ta eigenlijk señalnan di falta di conexion y comprension di nos mes y ta indica pues limitacion den desaroyo.

Y e mesun limitenan aki, ta hustamente momentonan unda bida ta brinda nos oportunidad pa nos por ser a conosi cu e motivacionnan inconsciente den nos! Esaki no tur ora ta facil. No. Sino ningun hende lo tabata tin problema y nos a haci algo tocante esaki dia bieu. Pero unda no tin consciencia, nada no por cambia. Y nos no por laga afó cu nos tin un boluntad propio (free will) cu a haci cu nos mes, consciente of inconscientemente, a tuma cierto desicionnan den un cierto momento den nos bida. 

 

Maske cu algun di esakinan di berdad tabata pa trata di cuida y yuda nos mes na e momento, den un punto mas laat den nos bida toch a cuminsa limita nos. Mescos ora nos ta un mucha di 3 aña, y ora bira 4-5 aña, e size di paña di ora nos tabata 3, no ta sirbi mas. Asina tambe ta pasa cu maneranan di biba (haci y comportá) cu nos a dicidi na un punto den bida, esakinan djies tin biaha no ta klop mas despues den nos bida. E ora ta nos mes tin cu cambia e desicionnan aki unda cu mester. Y pa esey por sosede mester di pa cuminsa consciencia, y despues actuacion.

 

E prome cosnan cu ta necesario pa cuminsa conose nos mes den e nivelnan aki, ta siña para kieto y ta dispuesto pa refleha riba nos mes. Y tambe compronde y acepta cu trabao interno ta un proceso, y lo tuma su debido tempo.  Si bo a tuma "x" tempo pa haci un cos un tal manera, e lo tuma "xy" tempo pa esaki por cambia tambe. Pero no obstante, bo lo mira resultado. Pasobra cada tiki consciencia cu bo haya, y cada tiki esfuerso cu bo tuma den forma di accion diferente, ta haci un impacto visibel riba bo y rond di bo.

Trabao intero ta encerá tambe un actitud suave na bo mes. E actitud aki, of masbien e ausencia di e actitud aki ta forma den hopi caso pa gran parti un obstaculo den desaroyo personal. Con esaki ta serca bo, tambe bo ta siña pues den e proceso. Y pasobra trabao interno ta encera cambio y pasobra cu esaki por ta asina confrontante, e por ta agradabel pa un persona experienciá guiabo riba e caminda aki, cana cu bo y tey p'abo te na unda cu bo mester. Na dado momento, bo ta catch e cuenta y por sigui bo so pa cada vez mas largo tempo, te cu ora no mester di guia regular mas.

 

Y pa esaki mi ta na bo servicio!

 

Cortico splicá kiko Inner Work ta

Inner Work kermen ATENCION