Ki ora Inner Work?

Simplemente bisá, bo ta cuminsa haci bo trabao interno ora bo ta clá p'e. "E hero ta hopi cayente y bo tin cu strika". Bo a pasa door di un proceso caba unda cu biaha tras biaha bo a "dal bo cabes contra e mesun muraya" y awor el a haci asina tanto dolor porfin, cu bo écht no kier p'e pasa mas.

- bo ta fadá, cansá, echt pegá

- bo ta mira cu algo of varios cos no ta cana manera bo ta desea

- bo no ta sintibo contento 

- bo tin conflicto

- bo sá cu bo mester haci algo pa move for di unda bo ta

- bo buchi ta jen 

- bo ta frustrá

- hopi adolorí

- hopi desilusioná

- bo no por haci desicion (bo ta draai ronchi)

- bo no por bisa loke bo kier bisa

- bo no por haci loke bo kier haci

 

Mayoria biaha un persona (of organisacion) ta cuminsa haci e trabao interno na momento cu "cosnan ta bayendo super fout": bo ta den un crisis personal (of local of mundial). Pasobra nos tin un bolutad propio y un capacidad inmenso pa carga cos, te na dado momento di e crisis nos ta enberdad logra sera nos wowonan pa un situacionan cu mester di atencion. Nos ta ignora e señalnan (pasobra si bo ta honesto, hopi biaha bo a wak nan masha bon) pero toch bo a dicidi (consciente of inconscientemente) di haci manera nada no ta pasando. Te ora cu no por mas. 

 

Na e momento cu e cosnan porfin bai f'ey man, e ora e señal ta bira ultra claro cu mester haci algo tocante e situacion. Esaki ta forma "suficiente motivacion", e "pijngrens" ta suficiente halto pa bai den actuacion. Warda "te ora ta laat" ta doloroso berdad, pero no tin di otro principialmente. Supuestamente tin excepcion di un grupo hopi chikito cu ta cuminsa haci e trabao cu minimo señal. Esaki lo ta pasobra nan consciencia ta hopi halto. Ami no conose ningun di e ehempelnan aki si. Y si nan ta hopi jong di edad, mi lo ta mas incliná prome na mira bon for di ki motibo nan ta eigenlijk haciendo e trabao intenso aki, enbes di ta "mucha" den nan proceso.

 

Pa e gran mayoria pues di hende, entre mas bo ta custuma di tuma e responsabilidad di haci loke ta necesario pa zorg pa bo "dolor", mas y mas facil y liher bo lo ta apto pa reconose ora un situacion ta den direccion di "bayendo f'ey" man, y mas trempan den e escalacion, bo por ta apto pa actua pa e nó escala (dimas). Escalacionnan ta bira - cu tempo, dedicacion y trabao - menos y menos. Esaki ta no solamente placentero p'abo, sino pa tur rond di bo tambe. Pues trabao interno ta sumamente valioso!

 

 

Trabao Interno ta aconsehabel pues den e siguiente situacionnan:

- bo ta desea di tin (mas) energia den bo bida diario, sinti (mas) bibo

- bo ta desea di sinti mas conectá

- bo ta desea pa sinti (mas) contento, experienciá (mas) alegria den bo bida, sinti satisfecho

- bo ta desea di siña reducí stress di un manera natural

- bo ta desea paz y trankilidad

-bo ta desea sinti confianza den bo mes

 

 

 

Ken Inner Work Aruba ta sirbi?

Servicionan ta sirbi tur adulto (18+) cu lo kier y mester. Y en especial mi kier jama nos profesionalnan pa haci uso di InnerWorkAruba su guia. Pasobra nos mester take care di hendenan bou y rond di nos, y hustamente door di esey nos por tin e tendencia di lubida nos mes.  Directornan, Maestronan, Psychologonan, Dokternan, Nursenan, Managers, Trahadornan Social, otro Hulpverleners, Politiconan, Servidor (publico) etc.  Y tambe otro leadernan den nos comunidad manera Mama y Tatanan y cuidadornan di muchahende grandi. Tur hende cu ta traha cu hende/ mester deal cu hende y ta sinti kizas cansá di con cosnan ta bayendo, tin conflictonan, ta desea mas contacto y lo desea pa cosnan cana mihor y mas suave.

Inner Work Aruba ta pa tur individuo of organisacion cu écht kier transforma y pues ta écht dispuesto pa traha riba nan mes. Ta mira e necesidad y importancia di esaki pa nan bienestar y pues pa tur bida rond di nan. Pa tur individuo of organisacion cu kier/ ta clá pa haci esfuerso (no forsá) pa yuda nan mes y crese.

 

Inner Work Aruba ta pa tur individuo of organisacion cu ta sinti su mes cla pa habri nan mes y mira mas lew di unda cu te awor a jega, pa por tin un chance mas grandi di responde mihor den bida diario enves di ta contra dje, y experiencia mas harmonia.

 

Pa tur individuo of organisacion cu ta dispuesto y tin durf di bisa: mi no sa, mi ta kere mi mester bai mas profundo, aunke cu ta duna miedo pasobra mi no sa si mi ta capas di carga locual mi por encontra, pasobra cu tur locual tin awor caba ta hopi, pero mi tin cu haci algo, pasobra asina ki mi (organisacion) no por sigui.

 

Y pa tur individuo of organisacion cu ta mira e importancia di tuma accionnan pa largo plaso y sustenibel, banda di accionnan pa corto termino cu lo tin cu wordo adresá tambe.

 

Pa tur individuo of organisacion cu ta mirando of cu ta sospechá cu e falta di comprension di e humano ta aworaki limitando nos calidad di bida en general y cu hustamente kinan tin e oportunidad y e necesidad pa desaroya pa asina conhuntamente nos por biba mihor den ful nos systema: cas/famia, skol, organisacion, comunidad, pais, continente, mundo henter y kizas hasta den e universo henter.

Mi ta wordo puntra hopi biaha si mi ta guia muchanan tambe ( 18-). Mi ta haci esaki, dependiendo di e caso. Un rekisito explicito ta cu e mama y of tata, cuidador(a) of persona legalmente responsabel pa e mucha ta involucra den e proceso. Al final, mi ta guia e adulto responsabel pa e muchanan. Pasobra ta serca bo(so) e muchanan tá den nan bida diario, y ta na bo(so) pa guia nan den nan crecimento y desaroyo. Pues e ta mas práctico y eficiente pa abo como adulto siña deal constructivamente cu cierto aspectonan, maske cu ta e mucha ta mustra di tin dificultadnan. 

Mi ta spera cu bo por sintibo liber pa jama pa mas informacion! si ta desea.